Карабахта мина жарылды
Жарылууда 4 полиция каза болду.
Карабахта мыйзамсыз армян күчтөрү жайгаштырган минанын жарылышынын натыйжасында Азербайжандын 4 полициясы шейит болду.
Азербайжандын Башкы прокуратурасы, Ички иштер министрлиги жана Мамлекеттик коопсуздук кызматынын биргелешкен билдирүүсүндө, Хожавент облусунун Ахметбейли - Фузули - Шуша кургактык жолунда Азербайжан мамлекеттик авто жолдору агенттигине (Азеротойол) таандык жүк ташуучу унаанын минанын үстүнөн өткөндүгү белгиленди.
Билдирүүдө, өтмөктө болгон жарылууда 2 кишинин каза болгону, окуя болгон жерге барган полиция унаасынын дагы бир минанын үстүнөн өткөнү белгиленди.
Билдирүүдө, мыйзамсыз армян күчтөрү тарабынан коюлган минанын жардырылышы менен 4 полиция кызматкеринин шейит болгону жана террордук кол салуу катары каралган окуяга байланыштуу териштирүүнүн башталгандыгы маалымдалды.
Азербайжан мамлекеттик коопсуздук кызматы да Карабахтагы мыйзамсыз армян күчтөрү жайгаштырган минанын жарылышы менен Азеротойол кызматкери болгон 2 кишинин каза болгондугун жарыялаган.
