Парламенттин төрагасы Куртулмуш Азербайжанда

Түркия Улуу Улуттук Жыйынынын (TBMM) төрагасы Нуман Куртулмуш расмий жолугушуулар үчүн барган Азербайжанда президент Илхам Алиев тарабынан кабыл алынды.

Азербайжан Президенттигинен берилген маалыматка караганда жолугушууда Азербайжан менен Түркиянын ортосундагы достук жана боордоштук карым-катнаштарынын бардык тармактарда, анын ичинде парламенттер аралык тармакта ийгиликтүү өнүгүүсү канааттануу менен айтылган жолугушууда,Куртулмуштун сапарынын карым-катнаштардын өнүгүшүнө салым кошо турганы белгиленди.

Жолугушууда Түрк Мамлекеттер Уюмун (ТМУ) мындан ары да чыңдоонун жана Түрк мамлекеттеринин Парламенттик ассамблеясынын (ТүркПА) алкагында кызматташтыкты чыңдоонун маанилүүлүгү баса белгиленди.

Куртулмуш андан кийин Улуттук Парламенттин спикери айым Гафарова менен жолугушту.

Азербайжан Улуттук Парламентинде өткөн эки тараптуу жолугушуудан кийин делегациялар ортосунда жолугушуу өткөрүлдү.

Куртулмуш бул жерде сүйлөгөн сөзүндө:«Экономикасы, тышкы саясаты, аскердик, улуттук коргонуу өнөр жайы, жогорку технологиялары, маданияты, искусствосу күчтүү Түркияны, башкача айтканда, сөзү күчтүү, таасири күчтүү Түркияны куруу биздин милдетибиз.

Булардын баарын жасап жатып, Түркия менен Азербайжандын бул аймактагы таасирдүү эки мамлекет катары ортосундагы бул эң сонун карым-катнашынын эзилген элдерге, өзгөчө дос жана боордош өлкөлөрүбүзгө дем булагы болоруна ишенебиз. Айрыкча түрк дүйнөсү баш болгон бул эң сонун мамилелерди өнүктүрөбүз, мындан ары дагы күчтүүрөөк күрөшөбүз»,-деди.

Сахибе Гафарова да Түркия-Азербайжан карым-катнаштарынын эң жогорку деңгээлге жеткенин белгилеп, 2-Карабах согушунда түрк элинин Азербайжанга көрсөткөн колдоосун жана Кахраманмараштагы жер титирөөдөн кийин Азербайжандын Түркия менен тилектештигин эске салды.

Түркия Улуу Улуттук Жыйынынын (TBMM) төрагасы Нуман Куртулмуш расмий жолугушуулар үчүн барган Азербайжанда алгач шейиттердин көрүстөндөрүн зыярат кылды.

Куртулмуш жана аны коштогон парламенттик делегация алгач маркум президент Гейдар Алиевдин мүрзөсүнө гүлчамбар коюшту.

Куртулмуш 20-январь шейиттери коюлган Шейиттер тилкесин зыярат кылып, бул жердеги Түбөлүк от эстелигине гүлчамбар койду.

Андан соң Бакудагы Түрк шейиттер көрүстөнүнө барып, эстеликке гүлчамбар койду.

Куртулмуш шейиттиктерге зыяратынан кийин жасаган билдирүүсүндө Түркияда кызматка киришкен мамлекеттик кызматкерлердин алгачкы сапарын Түндүк Кипр Түрк Республикасы (ТКТР) жана Азербайжанга жасаганын, кечээ Түндүк Кипр Түрк Республикасында жемиштүү жолугушууларды өткөрүшкөнүн белгиледи.

Түндүк Кипр Түрк Республикасынын эл аралык деңгээлде таанылышы үчүн жаңы доордун башталганын дагы бир жолу ырастагандарын белгилеген Куртулмуш, Түркия менен Түндүк Кипр Түрк Республикасынын Чыгыш Жер Ортолук деңизде кол кармашып маанилүү иш жүргүзүп жатканын, эки өлкөнүн тең эгемендик укуктарына шек келтирбестен жүрүшүн улантып жатканын айтты.

Куртулмуш бүгүн болсо боордош өлкө Азербайжандагы жолугушууларын улантканын айтып: «Азербайджан Түркиянын эң маанилүү өнөктөшү жана бир тууганы. Ар тармакта эң сонун карым-катнаштарыбыз бар өлкө. Түркия, Азербайжан жана Түндүк Кипр Түрк Республикасы «бир улут, үч мамлекет» түшүнүгү менен иш алып барган бири-бирине жакын үч өлкө. Түркиянын Чыгыш Жер Ортолук деңизиндеги Түндүк Кипр Түрк Республикасы менен жана Кавказдагы Азербайжан менен болгон карым-катнаштары өтө маанилүү. Бул биз чоң маани берген абдан баалуу жана стратегиялык мамиле. Күчтүү Азербайжан күчтүү Түркия дегенди билдирет. Ошо сыяктуу эле Түндүк Кипр Түрк Республикасынын күчтүү болушу Түркиянын күчтүү экенин билдирет»,-деди.