Токаев Макрондун кеңешчисин кабыл алды

Казакстандын президенти Касым Жомарт Токаев Франциянын президенти Эммануэль Макрондун кеңешчиси Изабель Дюмон менен жолугушту.

Казакстандын Президенттигинен берилген маалыматка караганда Токаев, расмий сүйлөшүүлөрдү өткөрүү үчүн борбор шаар Астанага барган Франциянын президенти Макрондун кеңешчиси Дюмонду кабыл алды.

Президенттиктин Акордо сарайында өткөн жолугушууда Дюмон Франциянын президенти Макрондун катын Токаевге тапшырды.

Токаев Макронго билдирүүсүнөн улам ырахмат айтып, Франциянын өлкөсү үчүн Европадагы эң маанилүү саясий жана экономикалык өнөктөштөрдүн бири экенин баса белгиледи.

Өткөн жылдын 29-ноябрында Макрон менен жолугушуусунан абдан таасирленгенин эске салган Токаев: «Биз 2 сааттан ашык убакыт бою эл аралык аренадагы кырдаалды, анын ичинде эки тараптуу мамилелердин жана өлкөлөрүбүздүн ортосундагы кызматташтыктын актуалдуу маселелерин талкууладык»,-деди.

Франциянын Казакстандын алдыңкы саясий жана экономикалык өнөктөштөрүнүн бири экенине көңүл бурган Токаев: «Мамлекетиңиз менен болгон кызматташуубузду баалайбыз, өлкөңүздүн эл аралык аренадагы ролун түшүнөбүз жана Франциянын экономикалык потенциалын туура баалайбыз»,-деди.

Франциянын 2008-жылы Казакстан менен стратегиялык өнөктөштүк келишимине кол койгон Европа Биримдигинин (ЕБ) биринчи мүчөсү болгонун эске салган Токаев: «Дагы бир жолу билдиргим келет, өлкөлөрүбүздүн ортосунда активдүү жана ишенимге негизделген саясий диалог сакталып турат»,-деп айтты.

Дюмон да Франциянын Казакстан менен мамилесин жакшыртууну каалаганын билдирди.