Түркиядан Казакстанга 96 миллион долларлык инвестиция салынды

Казакстандын 2021 -  жылдын биринчи чейрегинде Түркиядан 96 миллион долларлык түздөн түз инвестиция тарткандыгы белгиленди.

Казакстандын Анкарадагы элчилиги Казакстан Улуттук банкынын Түркиядан бул өлкөгө салынган инвестицияларга байланыштуу 2021 -  жылдын 1 -  чейректеги маалыматтарын билдирди.

Маалыматтарга караганда 2021 -  жылдын биринчи чейрегинде  Түркиядан Казакстанга 96, 1 миллион долларлык түздөн түз  инвестиция салынды.

Жогоруда айтылган көрсөткүч 2020-жылдын ушул мезгилине салыштырмалуу 139 пайыздан ашык өскөндүгүн көрсөткөн болсо, биринчи чейректерде 2005-жылдан берки эң жогорку көрсөткүч катары катталды.

Бир  жагынан алганда, 2005-2020-жылдардын биринчи чейректеринде Түркиядан Казакстанга орто эсеп менен 39,7 миллион доллар инвестиция салынса, 2021-жылдын ошол эле мезгилинде салынган инвестиция орточо алганда 142 пайызга жогору болду.