Алиев 2020-жылга баа берүү жыйналышын өткөрдү
Алиев экономика кызматкерлери менен 2020-жылга баа берүү жыйынын өткөрдү.
Азербайжандын президенти Илхам Алиев Арменияны жеңип, 30 жылдан бери оккупацияда турган жерлерди куткаруу анын өлкөсүнүн 2020-жылы жетишкен эң негизги натыйжасы болгонун айтты.
Алиев экономика кызматкерлери менен 2020-жылга баа берүү жыйынын өткөрдү.
Видеоконференция ыкмасы менен өткөрүлгөн жыйында сөз сүйлөгөн Алиев: «2020-жылдын негизги жыйынтыгы - бул жерлерибизди оккупациядан бошотуу болду. Азербайжан тарыхый жеңиш менен 44 күндүн ичинде өз жерлерин сактап калды, душмандарга кыйраткыч соккуларды уруп, Арменияны жеңди»,-деди.
Алиев Армениянын жеңилгендигин мойнуна алган декларацияга кол койгонун, натыйжада Азербайжан басып алынган калган үч провинцияны саясий жолдор менен кайтарып алгандыгын билдирди.
31-декабрда Түштүк газ коридорунун акыркы бутагы болгон Транс-Адриатика кууру (TAP) иштей баштаганын айткан Алиев: «Тарыхта биринчи жолу Азербайжандын жаратылыш газы Европада. Бул биздин тарыхый жетишкендигибиз»,- деди.
Алиев Дүйнөлүк Банктын Бизнес жүргүзүү жеңилдиги индексинде Азербайжан 190 мамлекеттин арасында 28-орунду ээлеп, эң реформист өлкөлөрдүн алдыңкы 10 сабына киргенин белгиледи.
Тектеш кабарлар
Жапаров менен Алиев Хыдырлыда Кыргызстан кура турган мектептин пайдубалын түптөштү
Илхам Алиев менен мурдагы күнү борбор шаар Бакуда жолуккан Садыр Жапаров кечээ Физулиге барды.