АКШ Кызыл деңизде хуситтерге кол салды

Америка Кошмо Штаттары (АКШ) Йеменде Иран колдогон хуситтер көзөмөлдөгөн аймактарда «тикелей коркунуч» деп аныкталган буталарга «коргонуу чабуулдарын» жасаганын билдирди.

АКШнын Борбордук командирлиги (CENTCOM) X социалдык медиа платформасында маселе боюнча билдирүү жасады.

Билдирүүдө CENTCOM аймактагы соода жана АКШнын деңиз флоту кемелерине «тикелей коркунуч» туудурган кемеге каршы баллистикалык ракеталарга каршы «коргонуу чабуулдарын» жасаганы жарыяланды.

Чабуулдардын «навигация эркиндигин коргоо жана эл аралык сууларды АКШнын деңиз флоту жана соода кемелери үчүн коопсуз кылуу» максатында жасалганы белгиленген  билдирүүдө, ракеталардын биринин Либерия желектүү Швейцариянын «M/V MSC SKY II» контейнердик кемесине тийгени жана кемени зыянга учуратканы айтылды.

Кызыл деңиздеги абал

Хуситтер 31-октябрда Израилдин Газадагы кол салууларына жооп иретинде Йемендин жээктеринде Израилдин фирмаларына байланышы бар соода кемелерин колго түшүрүп, айрымдарына учкучсуз учуучу аппараттар жана ракеталар менен кол сала баштаган.

АКШ күчтөрү бул мезгилде Йеменден көп жолу атылган ракеталарды жана камикадзе учкучсуз учуучу аппараттарды атып түшүрүшкөнүн жарыялашты.

Хуситтердин аракеттеринен кийин көптөгөн жүк ташуучу компаниялар Кызыл деңиздеги саякаттарын токтотуу чечимине келишти.

18-декабрда АКШ глобалдык деңиз соодасы коопсуздугу коркунучта деген жүйөнү келтирип кээ бир башка өлкөлөрдүн катышуусу менен хусит күчтөрүнө каршы «Бакыттын сакчысы операциясы» аттуу көп улуттуу «деңиз жумушчу тобу» түзүлгөнүн жарыялаган.

Глобалдык сооданын болжол менен 12 пайызы Жер Ортолук деңизди Кызыл деңизге туташтырган жана Европа менен Азиянын ортосундагы эң кыска жолду сунуш кылган Суэц каналы аркылуу ишке ашат.