Ислам цивилизациялары музейин 21 күндө 160 миң адам кыдырды

Стамбулдагы Бүйүк Чамлыжа мечит комплексинин ичинде 8-апрелде президент Режеп Таййип Эрдогандын катышуусунда ачылган музейди 160 миң 623 киши кыдырды.

Технология менен тарыхтын руханий мурасын бириктирген, Пайгамбардын руханий инсандыгын жана Ислам цивилизациясынын маанилүү эмгектерин камтыган музей 3 жуманын ичинде маанилүү маданий жана искусство аялдамаларынын бирине айланды.

Ислам цивилизациясынын маданий-көркөм байлыгын ачып берген музей 10 миң чарчы метр аянтка жана 15 тематикалык бөлүмгө искусство сүйүүчүлөрдү кабыл алат.

Рамазандын таасири жана жылуу аба ырайы менен чоң көңүлдөрдү бурган музей күн сайын жана кечке чейин бекер кызмат кылат.

Музей эң көп зыяратчы келген 24-апрелде 14 миң 951 кишини кабыл алса, иш күндөрү орто эсеп менен 7 миң киши кыдырып жатты.

Ислам цивилизациясынын 1200 жылдык топтомун ачып берген музейде 700гө жакын уникалдуу экспонаттар бар.