Даниядагы бейөкмөт уюмдардын өкмөткө доо арызы
Эл аралык мунапыс уюму Дания, Oxfam Дания, "Аль-Хак" жана "Эл аралык жардамдашуу" аттуу бейөкмөт уюмдар темага байланыштуу биргелешкен билдирүү жасашты.
Даниядагы бейөкмөт уюмдар, өлкөнүн курал-жарактары жана аскердик техникалары Газада карапайым элге каршы колдонулуп жатат деген жүйө менен Израилге курал экспортун токтотуу үчүн өкмөткө доо коюшту.
Эл аралык мунапыс уюму Дания, Oxfam Дания, "Аль-Хак" жана "Эл аралык жардамдашуу" аттуу бейөкмөт уюмдар темага байланыштуу биргелешкен билдирүү жасашты.
Даниянын Израилге түз же кыйыр түрдө экспорттолгон курал бөлүктөрүнүн жана башка аскердик техникалардын «ыктымалдуу геноцидге салым кошуу үчүн колдонулганы» айтылган билдирүүдө, бул абалдын Бириккен Улуттар Уюмунун (БУУ) курал соодасы келишимине карама-каршы келгени баса белгиленди.
Билдирүүдө «Газадагы жарандарды коргоо жана Даниянын жарандарга каршы жасалган кылмыштарга салым кошпошун камсыз кылуу максатында Тышкы иштер министрлиги менен Улуттук полицияга каршы доо арыз берилгени» кабарланып, доо уланып жаткан учурда соттон Израилге курал-жарак экспорттоо уруксаттарынын токтотулушунун талап кылынганы маалымдалды.
Израилдин 7-октябрдан бери Газа тилкесине кол салууларында 33 миң палестиналык каза болду.
