Малики Европанын Палестина мамлекетин таануу аракетине “туура багыттагы кадам” деп баа берди

 Палестинанын тышкы иштер министри Рияд ал  - Малики Европанын Палестина мамлекетин таануу аракетине “туура багыттагы кадам” деп баа берди.

Палестинанын тышкы иштер министрлигинен берилген жазуу түрүндөгү маалыматка караганда Малики Рамаллада Бельгиянын тышкы иштер министри Хаджа Лахбиб менен жолугушту.

Жолугушууда Израилдин Газа тилкесинде 7-октябрдан бери бейкүнөө жарандарга каршы жүргүзүп жаткан геноциддик согуш жана гуманитардык шарттар талкууланды.

Жолугушууда Малики Бельгияны Газа тилкесинде талаа ооруканаларын куруу маселесин кароого чакырып: «Туруктуу ок атышпоо, палестиналык жарандарга эл аралык коргоону камсыз кылуу жана гуманитардык жардамды коопсуз жеткирүү башкы приоритет болуп саналат»,-деди.

Батыш Шериадагы абалга токтолгон палестиналык министр Израилдин Батыш Шериадагы мыйзам бузууларына, жөөт отурукташуучулардын палестиналык жарандарга жасаган терроруна, конуштарды кеңейтүү максатында жарандардын жерлерин басып алууларына жана кылмыштуулуктун күчөшүнө токтолду.

Малики Израиль өкмөтүн Газага болгон согушун токтотууга, жарандарды бутага алууну токтотууга, мажбурлап көчүрүү саясатын токтотууга жана Газага гуманитардык жардамды мүмкүн болушунча тез арада жеткирүүгө мажбурлоосу үчүн реалдуу басым жасалышы керектигин баса белгиледи.