Палестинаны колдогондордун Трюдого реакциясы

Канаданын премьер-министри Жастин Трюдо парламентте сүйлөп жаткан маалда, палестиналыктарды колдогон демонстранттар Израилдин Газа тилкесине кол салууларына нааразылык билдиришти.

Парламенттин отурумунда сөз сүйлөгөн Трюдонун сөздөрүн демонстранттар "Палестинага боштондук" жана "Израилди куралдандырууну токтоткула" деген ураандар менен токтотушту.

Демонстранттар Израилге курал эмбаргосун киргизүүгө чакырган баннерлерди ачып, Израилдин Газага кол салууларына каршылык көрсөтүштү.

Митингчилер күзөтчүлөрдүн коштоосунда имараттан чыгарылып жатканда сессияга бир канча мүнөткө тыныгуу берилди.

Канаданын Казына кеңешинин төрагасы Анита Ананд журналисттерге берген билдирүүсүндө: «Топтордун үнүн угузушуна жол беришибиз керек. Азыркы болгон окуя дал ушундай»,- деди.

Израилдин 7-октябрдан бери Газа тилкесине кол салууларында кеминде 12 миң 300ү бала, 8 миң 400ү аял 28 миң 576 палестиналык каза болуп, 68 миң 291 киши жараланды.

Урандылардын астында дагы деле миңдеген сөөктөрдүн бар экени билдирилсе, адамдар баш калкалаган ооруканалар жана билим берүү мекемелери бутага алынып жарандык инфраструктура да талкаланууда.