Остин-Столтенберг жолугушуусу
Остин бүгүн Бельгиянын борбор шаары Брюсселде өткөрүлүшү күтүлгөн НАТОнун коргоо министрлеринин жыйынынан мурда Йенс Столтенберг менен сүйлөштү.
Америка Кошмо Штаттарынын (АКШ) Коргоо министри Ллойд Остин НАТОнун баш катчысы Йенс Столтенберг менен НАТОнун трансатлантикалык коопсуздукту камсыздоодогу ролун талкуулады.
АКШнын Коргоо министрлигинин (Пентагон) басма сөз катчысы Пэт Райдердин билдирүүсүнө караганда, Остин бүгүн Бельгиянын борбор шаары Брюсселде өткөрүлүшү күтүлгөн НАТОнун коргоо министрлеринин жыйынынан мурда Йенс Столтенберг менен сүйлөштү.
Жолугушууда эки тарап кечээ НАТОнун коргоо министрлеринин жыйынынын алкагында өткөн Украина боюнча Коргонуу сүйлөшүү тобунун жыйынынын жыйынтыктарын жана НАТОнун трансатлантикалык коопсуздукту камсыз кылуудагы маанилүү ролун, ошондой эле бүгүн боло турган Коргоо министрлеринин жыйынынын жана июль айында АКШнын борбор шаары Вашингтондо өткөрүлүшү күтүлүп жаткан НАТО саммитинин артыкчылыктарын талкуулашты.
Америка Кошмо Штаттарынын НАТО альянсына толук колдоосун кайталаган Остин, союздаштардын коргоо өнөр жайына салына турган инвестициялар менен бирге коргонууну чыңдоонун маанилүүлүгүнө көңүл бурду.
Остин менен Столтенберг союздаштардын коркунучтардын бардык түрлөрүнө каршы туруу жана коргоо үчүн зарыл болгон бардык ресурстарды берүүгө чечкиндүүлүгүн талкуулашты.
Остин ошондой эле Столтенбергдин 2024-жылы НАТОнун европалык мүчөлөрүнүн коргонууга 380 миллиард долларлык инвестиция салат деген билдирүүсүн да колдой турганын айтты.
