НАТО өзүнө Орусия тараптан коркунучту сезген жери жок

НАТОнун баш катчысы Йенс Столтенберг Орусиянын бир НАТО өлкөсүнө кол салышы боюнча аскердик коркунучту сезбегендерин айтты.

Йенс Столтенберг немис ARD телеканалына НАТОнун келечеги тууралуу баа берди.

«Орусия Украинадагы согушта жеңишке жетсе, НАТОго мүчө өлкөгө кол салат» деген дооматтарга байланыштуу Столтенберг: «Биз НАТОнун өнөктөшү үчүн жакынкы убакта аскердик коркунучту байкаган жокпуз»,-деди.

НАТОнун акыркы жылдарда олуттуу түрдө чыңдалгандыгын белгилеген баш катчы: «Албетте, тынчтык өзүнөн-өзү келе бербейт. Бул чукул коркунуч болбосо да, биз коргонуубузга олуттуу инвестицияларды жумшадык. Куралдуу күчтөрүбүздүн даярдыгын жана күчүн жогорулаттык. Биз биринчи согуштук бөлүктүн структурасын өзгөрттүк. Бул НАТОнун бир муундагы эң чоң күчтөнүшү»,-деп айтты.

Столтенберг НАТО Орусиянын 2014-жылы Крымды мыйзамсыз аннексиялоосунан кийин пайда болгон жаңы чындыкты билип, ага ылайыкташканын белгиледи.