БУУ Газадагы азык-түлүк бөлүштүрүү тууралуу отчетун жарыялады
БУУнун гуманитардык иштерди координациялоо кеңсеси (OCHA) Газа тилкесиндеги окуяларга байланыштуу жарыялаган акыркы жаңыртуу отчетунда операциялык аймактын жана азык-түлүк жардамын жеткирүү мүмкүнчүлүгүнүн чоң өлчөмдө тосулганы белгиленди.
Бириккен Улуттар Уюмунун (БУУ) жана башка өнөктөш уюмдардын аракеттерине карабастан, Газанын түндүгүндө азык-түлүк бөлүштүрүү муктаждыктардан бир топ төмөн бойдон калганы билдирилди.
БУУнун гуманитардык иштерди координациялоо кеңсеси (OCHA) Газа тилкесиндеги окуяларга байланыштуу жарыялаган акыркы жаңыртуу отчетунда операциялык аймактын жана азык-түлүк жардамын жеткирүү мүмкүнчүлүгүнүн чоң өлчөмдө тосулганы белгиленди.
Отчетто Газада уланып жаткан кагылышуулар, саламаттыкты сактоо тармагындагы үзгүлтүктөр, тамак-аш менен таза сууга жетүүнүн жетишсиздиги ачарчылык коркунучун күчөтөрү белгиленген.
«БУУ жана башка өнөктөш уюмдардын аракеттерине карабастан, Газанын түндүгүндө азык-түлүк бөлүштүрүү муктаждыктардан бир топ төмөн бойдон калууда» деп айтылган отчетто Газада кездешкен кыйынчылыктар жана кыйын кырдаалдагы адамдардын азык-түлүк коопсуздугу боюнча чукул муктаждыктарын канааттандыруу үчүн үзгүлтүксүз координация жана колдоонун маанилүүлүгү баса белгиленди.
Отчетто балдардын жана кош бойлуу жана эмчек эмизген аялдардын начар тамактануу абалы ден-соолук көйгөйлөрү жана азык-түлүк коопсуздугунун начарлоосунан улам кооптуу экени белгиленди.
БУУ Израилдин катуу чабуулуна кабылган Газа тилкесинде 2,2 миллион киши ачарчылык коркунучу алдында турганын эскерткен.
БУУнун маалыматына караганда, Газада 378 миң киши Интеграцияланган Азык-түлүк коопсуздугу Фаза Классификациясынын (IPC) шкаласы боюнча «кырсык» деп аталган 5-деңгээлде, 939 миң адам "өзгөчө кырдаал" деп аталган 4-деңгээлдеги ачкачылыкка туш болууда.
