Палестинаны колдооо демонстрациялары

Италиядагы жөөт коомчулугунун кысымы менен кийинкиге жылдырылган Палестинага колдоо көрсөтүү үчүн Рим жана Миланда губернаторлуктардын тыюу салуу чечимине карабай миңдеген киши аянттарга чыккан демонстрациялар өткөрүлдү.

Баш калаа Римде жөө жүрүш баштала турган Витторио Эмануэле аянтында чогулган 3 миңден ашуун демонстрант демонстрация укугуна тыюу салуу жана Израилдин Газага кол салууларына каршы митинг өткөрүштү.

Митингчилер байма-бай "Палестинага эркиндик" деген ураандарды чакырып турушту.

Миланда губернаторлуктун Холокостту эскерүү күнүнө туш келди деген жүйө менен тыюу салуу чечимине карабастан миңден ашуун палестиналык колдоочу Лорето аянтына чогулду.

Демонстрация учурунда маал-маалы менен чыңалуу күчөгөнү менен коопсуздук күчтөрүнүн демонстранттарга союл менен катуу кийлигишкени байкалды.

Палестинага колдоо көрсөтүү демонстрациясы Германиянын борбор шаары Берлинде да өттү.

Демонстранттар Александрплац аянтына чогулуп, шаардын борборунда жүрүш жасашты.

Колдорунда Палестинанын желектерин көтөргөн демонстранттар «Палестинага эркиндик» деген ураандарды чакырышты.

Испаниянын борбор шаары Мадридде миңдеген киши Палестинаны колдоо үчүн жөө жүрүшкө чыгышып, эл аралык коомчулукту «дароо жана туруктуу ок атышпоо үчүн Израилге кысым көрсөтүүгө» чакырышты.

Шаардын борборунда «Дайыма Палестинанын каршылыгы менен» деген аталышта өткөн жүрүштө палестин желектерин көтөргөн испандар «Израилге бойкот», «Бул согуш эмес, геноцид», «Канкор Нетаньяху», «Эркин Палестина», Америка Кошмо Штаттары (АКШ) жана Европа Биримдиги (ЕБ) тарабынан каржыланган "Адилет", "Израиль атып жатат"" деп ураан чакырышты.

Мындан тышкары, Испаниянын өкмөтүнө Израиль менен бардык саясий, дипломатиялык, экономикалык, маданий жана спорттук мамилелерди үзүү талабы коюлган.

Жүрүшкө Испаниядагы солчул партиялардын айрым депутаттары, анын ичинде Подемос партиясынын лидери Ионе Беларра да катышты.

Швециянын борбор шаары Стокгольмдо Палестина менен тилектештик көрсөтүүгө чогулган 15 миңге жакын киши Швециянын Тышкы иштер министрлигинин алдына жөө жүрүшкө чыгышты.

Демонстранттар "Газада балдар өлтүрүлүүдө", "Геноцидди токтоткула", "Палестина түбөлүккө" деген жазууларды жана Газада өлтүрүлгөн балдарды чагылдырган моделдерди көтөрүп жүрүштү.

Демонстранттар «Палестинага эркиндик», «Геноцидчи Израиль», «Израилге бойкот» сыяктуу ураандарды чакырып, андан соң Швециянын Тышкы иштер министрлигине чейин жөө жүрүш жасашты.

Митингчилер АКШ менен Швециянын Израилди колдошуна реакция кылып, эки өлкөнүн Израиль жасаган согуш кылмыштарына шериктеш экенин айтышты.

Демонстранттар ошондой эле Швециянын тышкы иштер министри Тобиас Билстремди Израилди колдогону үчүн кызматтан кетүүгө чакырышты.

Грециянын борбор шаары Афинада да Палестинага колдоо жүрүшү өткөрүлдү.

Элефтерия (Эркиндик) паркында чогулган активисттер Израилдин Афинадагы элчилигине жөө барышты.

Алгач Афинадагы АКШнын элчилигинин алдынан өткөн активисттер англис тилинде ураандар менен Израилге берилген колдоону токтотууну талап кылышты.

Жүрүш бою Афина көчөлөрүндө "Палестинага эркиндик" ураандары жаңырды.

Активисттер ошондой эле "Адилетсиз чечим жок" деген ураан чакырып, чечүүчү жол үчүн эркин Палестина мамлекетинин курулушу зарыл экенин баса белгилешти.