Нигерияда куралдуу кол салуу: 8 киши каза болду

Нигериянын Платеау облусундагы куралдуу кол салууда 8 киши каза болду.

Платеау облусунун Мангу аймагында белгисиз куралчан адамдар ок чыгарды.

Кол салууда 8 киши каза болуп, көп сандаган киши жараланды. Мындан тышкары, көптөгөн үйлөр өрттөлдү.

Платеанун губернатору Калеб Мутфванг кол салуудан кийин Мангу аймагында 24 сааттык коменданттык саат жарыялады.

Куралдуу кол салуулар Платеау облусунда мезгил-мезгили менен болуп турат.

25-декабрда Платеау облусунун Боккос жана Баркин-Лади аймактарында куралдуу кишилер тарабынан жасалган кол салууларда кеминде 200 киши каза тапкан.