Иран: "АКШ Газадагы геноциддин бир бөлүгү"
Тышкы иштер министрлигинин басма сөз катчысы Насер Кенани борбор шаар Тегеранда маалымат жыйынын өткөрдү.
Иран Америка Кошмо Штаттарынын (АКШ) "Газадагы чечимдин бир бөлүгү эмес, геноцидди улантуунун бир бөлүгү" экенин билдирди.
Тышкы иштер министрлигинин басма сөз катчысы Насер Кенани борбор шаар Тегеранда өткөргөн маалымат жыйынында, Израилдин кол салууларында миңдеген кишинин өмүрүн алган Газада ок атышпоо боюнча дипломатиялык сүйлөшүүлөрдүн уланып жатканын жана бул теманын өлкөсүнүн биринчи приоритети экенин айтты.
Бириккен Улуттар Уюмунун (БУУ) баш катчысы Антонио Гутерришке Газада ок атышпоого жетишүү аракети үчүн ыраазычылык билдирген Кенани, БУУнун Коопсуздук Кеңешинде Газада гуманитардык себептерден улам чукул ок атышпоону талап кылган резолюция долбооруна вето коюлушун болсо «өкүнүчтүү» деп мүнөздөдү.
Кенани АКШнын ок атышпоону талап кылган мыйзам долбооруна вето коюусунун «Газа согушунун чечиминин бир бөлүгү эмес, Газа элине каршы геноциддин улантылышынын бир бөлүгү экенин көрсөттү» деп айтты.
Ок атышпоо үчүн сунушталган долбоордун БУУнун Коопсуздук Кеңеши тарабынан бекитиле албагандыктан БУУнун Башкы ассамблеясынын эртең жаңы чечимге баа берүү үчүн чогула турганын эске салган Кенани: «Бул аракеттердин Газа согушунда ок атышпоону камсыз кылышын үмүт кылабыз»,-деди.
