Орусиядагы президенттик шайлоонун датасы

Орусия парламентинин жогорку палатасы Федерация Кеңеши, президенттик шайлоону 2024-жылдын 17-мартында өткөрүү чечимин кабыл алды.

Президенттик шайлоонун датасын аныктоо үчүн Федерация Кеңеши чогулду.

Жыйындын жыйынтыгында кеңештин мүчөсү сенаторлор бир добуштан шайлоону 2024-жылдын 17-мартында өткөрүүнү чечишти.

Орусия Федерациясынын Конституциясына ылайык, президенттик шайлоонун датасын аныктоо парламенттин жогорку палатасы – Федерация Кеңешинин карамагында.

Өлкөдө буга чейинки президенттик шайлоо 2018-жылдын 18-мартында өтүп, Владимир Путин 76,69 пайыз добуш менен кайра шайланган.