Түндүк Кореянын аскердик спутниги
Ким Чен «Маллигёнг-1» аттуу аскердик спутниктин учурулуусуна салым кошкон инженер жана илимпоздор менен жолукту.
Түндүк Кореянын лидери Ким Чен Ын аскердик спутниктин учурулушунун “душмандардын” аракеттерине каршы “толук коргонуу машыгуусу” болгонун айтты.
Түндүк Кореянын Борбордук кабар агенттигинин (KCNA) маалыматына караганда, Ким «Маллигёнг-1» аттуу аскердик спутниктин учурулуусуна салым кошкон инженер жана илимпоздор менен жолукту.
Ким Чен бул жердеги билдирүүсүндө, аскердик спутникке ээ болуунун «душман күчтөргө» каршы сестентүү мүнөзүндө экенин белгиледи.
Аскердик спутниктин Түндүк Корея үчүн «космостук күч доорун» жар салганын айткан Ким, учурууну «душмандардын» иш-аракеттерине каршы «толук коргонуу машыгуусу» деп сыпаттады.
Ким спутниктин чет элдик күчтөрдүн аскердик иш-аракеттерин көзөмөлдөгөн «космос коргоочусу» экенин белгилеп, авиация жана космостук изилдөө потенциалына байланыштуу максаттарга жетүү үчүн аракеттер көрүлүшү керектигин маалымдады.
Түндүк Корея 21-ноябрда «Маллигёнг-1» спутнигинин орбитага ийгиликтүү жайгаштырылгандыгын жарыялап, «дагы көптөгөн спутниктердин учурула турганын» кабарлаган.
