Босния-Герцеговина: «Сараево Газага жардам берүү үчүн 300 000 км кайрымдуулук кылды»

Босния-Герцеговина: Сараево кантонунун өкмөтү Газадагы адамдарга жардам берүү үчүн 300 000 KM (Босния-Герцеговина маркасы) бөлдү.

Босния-Герцеговинанын борбору Сараево кантонунун өкмөтү Газага гуманитардык жардам көрсөтүү үчүн болгон бюджеттик резервинен 300 000 KM (болжол менен 153 000 евро) бөлдү.

Маселеге байланыштуу Сараево кантонунун өкмөтү: «Газа бүгүнкү күнгө чейин чукул жардамды талап кылган эң оор гуманитардык кырдаалга туш болууда. Сараево кантонунун өкмөтү көрсөтүлгөн сумманы Газа элинин азап-кайгысын жеңилдетүү үчүн салым катары берди»,-деп айтты.

Билдирүүдө, «Жардам бул өлкөнүн Босния- Герцеговинадагы элчилиги аркылуу ишке ашат жана Сараево кантонунун Каржы министрлиги жана Премьер-министрлик кабинети бул чечимди аткарууга милдеттүү. Сараево кантонунун өкмөтү бул кайрымдуулук Газа элине эң кыйын учурда бир аз жеңилдик жана колдоо көрсөтөт  деп үмүттөнөт. Ошондой эле алар башка мекемелерди жана жарандарды мүмкүн болушунча бул гуманитардык аракетке катышууга чакырышат»,- деп айтылды.