Израиль Акса мечитинде жума намазын окууну каалагандарга жаш чектөөсүн киргизди
Израиль полициясы Месжид-и Аксаны да камтыган Чыгыш Кудстун Эски шаар аймагынын айланасына жана кире бериш дарбазаларына тосмолорду орнотту.
Израилдин чектөөлөрүнөн улам 5 миң гана палестиналык Масжид-и Аксада жума намазын окуй алды.
Израиль бийлиги өткөн жумадагыдай эле бул аптада да Акса мечитинде жума намазын окууну каалагандарга жаш чектөөсүн киргизди.
Оккупацияланган Чыгыш Кудста жашаган палестиналыктар кадимки убакта жума намазын окуу үчүн мусулмандардын биринчи кыбыласы болгон Акса мечитине агылып келчү.
Бирок өткөн жумадагыдай эле Израиль бул аптада да Аль-Акса мечитине жума намазга барууну каалаган палестиналыктарга жаш чектөөсүн киргизди.
Кудстагы Ислам фонддор башкармалыгы тарабынан жасалган билдирүүгө караганда, Израиль күчтөрү 65 жаштан кичүү эркектер менен 50 жаштан кичүү аялдарды Харам аль-Шарифке киргизбей жатат.
Израиль полициясы Месжид-и Аксаны да камтыган Чыгыш Кудстун Эски шаар аймагынын айланасына жана кире бериш дарбазаларына тосмолорду орнотту.
Жума намазы үчүн Месжид-и Аксага кирүүнү каалаган палестиналыктардын айрымдарына ID текшерүүдөн кийин кирүүгө уруксат берилди.
Орто эсеп менен 70 миңден 100 миңге чейин киши жума намазын окуган Масжид-и Аксада Израиль киргизген жаш чектөөсүнөн улам өткөн аптада 5 миң гана палестиналыктын жума намазын окуй ала турганы билдирилген.
Хамастын куралдуу канаты «Изз ад-Дин аль-Кассам» бригадалары 7-октябрда Израилге каршы «Акса топону» деп аталган кеңири чабуулун баштаганын жарыялаган.
Газадан Израилге карай миңдеген ракеталар атылып, куралдуу топтор аймактагы отурукташуу жерлерине кирип барышкан.
Израиль армиясы да согуштук учактар менен Газа тилкесине «Темир кылычтар» операциясын баштаганын билдирген.
Израилдин кол салууларында 4 миңден ашуун палестиналык каза болуп, 12 миңден ашуун палестиналык жаракат алды.
