Ливиядагы селдин кесепети

Ливияда селден жабыркаган шаарларда 40 миңге жакын адам жеринен ажырады.

Бириккен Улуттар Уюмунун (БУУ) Эл аралык Миграция уюму (IOM) X социалдык медиа баракчасынан, селден жапа чеккен Ливия тууралуу билдирүү бөлүштү.

«Ливияда бороондон таасирленген шаарларда болжол менен 40 миң киши жер которду»,-деген сөздөр камтылган билдирүүдө,  IOM керектүү гуманитардык жардамды, анын ичинде саламаттыкты сактоону колдоо үчүн иштеп жатканы айтылды.

Билдирүүдө Ливия үчүн дагы көп нерсе жасалышы керектиги баса белгиленди.

Борбордук Жер Ортолук деңизине таасир эткен «Даниэль» бороону 10-сентябрда Ливиянын чыгышындагы Бенгази, Бейда, Мерк, Сусе жана Дерна шаарларында селге себеп болгон.

Улуттук биримдик өкмөтүнүн премьер-министри Абдулхамид Дибейбе селден улам 11-сентябрда өлкө боюнча 3 күндүк аза күтүү жарыялап, Ливиянын Президенттик кеңеши селден жабыркаган аймактар ​​үчүн бир тууган өлкөлөргө жана эл аралык мекемелерге жардам берүү чакырыгын салган.

Дүйнөлүк Саламаттыкты сактоо Уюмунун басма сөз катчысы Тарик Жасаревич кечээ Ливиядагы селден 3 миң 998 кишинин каза болгонун, 8-9 миң кишинин дагы деле дайынсыз экенин кабарлаган.