Орус армиясы «тактикалык ийгиликке» жетишти

Украинанын президенти Владимир Зеленский жекшемби күнү кечинде жарыяланган видео кайрылуусунда орус армиясы жума күнү кеңири масштабдуу чабуул операциясын баштаган Харьков облусунун кээ бир калктуу конуштарында «коргонуу жаңжалдары» уланып жатканын жана Донецкте катуу кагылышуулар уланып жатканын айтты.

Зеленский: «Боз зонадан де-факто чыр-чатакка айланган айылдар бар. Баскынчылар алардын айрымдарына бекем орношууга аракет кылышса, башкалары алдыга жылууну улантуу үчүн колдонулууда»,-деди.

Украин лидери Донецк облусунда абал оор бойдон калууда деп билдирди. Зеленский Орусиянын көзөмөлүндөгү Авдеевканын түндүк-батышында жайгашкан Покровский багытында акыркы 24 саатта 30 куралдуу кагылышуу болгонун билдирди.

Украинанын Куралдуу күчтөрүнүн Башкы штабы Харьковдогу кырдаал өзгөчө оор жана туруксуз экенин жарыялады. Фронттун бир нече ар кандай бөлүмдөрүндө кагылышуулар уланып, чек арадагы Волчанск шаарын көзөмөлгө алуу үчүн күрөш жүрүүдө. Башкы штабдын маалыматына караганда, орус армиясы бул фронтто «тактикалык ийгиликке» жетишкен.

Башкы штабдын Telegram каналында жасаган билдирүүсүнө караганда, «абалды турукташтыруу үчүн резервдерди жайгаштыруу уланууда».

Орусия Федерациясынын Коргоо министрлиги алар Харьков облусундагы бир катар калктуу конуштарды басып алышканын тастыктады. Арасында Плетеневка жана Гатыш кыштактары да бар. Бул айылдар Волчанскинин түндүгүндө жайгашкан. Согуштун башталышында шаарды орус армиясы басып алган, бирок 2022-жылдын күзүндө украин армиясы кайтарып алган.