Иранда абанын температурасы 50 градуска жетти

Ирандын Систан-Белужистан провинциясынын Зехек жана Хирманд шаарлары 50 градус менен (кечээ) өлкөнүн эң ысык аймактарына айланды.

Ирандын расмий ИРНА агенттигинин маалыматына ылайык, Систан-Белужистан метеорологиясынын башкы директору Мухсин Хайдари аймактагы ысык аба ырайына байланыштуу билдирүү жасады.

Хайдари Зехек жана Хирманд шаарларынын аба температурасынын 50 градуска жеткенин, бул шаарлардын өлкөнүн эң ысык аймактары болгонун белгиледи.

Провинциянын административдик борбору Захидан шаарында температуранын 42 градус менен өлчөнгөнүн белгилеген Хайдари дүйшөмбүдөн тарта шамалдын күчөшү менен абанын температурасынын төмөндөй турганын белгиледи.

Провинцияда шамалдын ылдамдыгынын өсүшү менен чаңдын учушунун да көбөйө турганын билдирген Хайдари, коомчулукка зарыл болбосо ачык абага чыкпоо жана көрүү мүмкүнчүлүгү азайган жол кыймылынан качуу керектигин эскертти.

Систан-Белужистан Кризистик Башкармалыгынын башкы директору Мажид Мохибби да провинциянын Забул, Зехек, Хамун, Хирманд жана Нимруз шаарларында катуу шамал алып келген майда чаңдан улам миңден ашуун кишинин ооруканаларга жана медициналык борборлорго которулганын, бир кишинин каза болгонун билдирди.