Starship ракетасынын биринчи учуруу аракети кечеңдетилди
Илон Маск экинчи учуруу аракетинин бир нече күндүн ичинде жасала турганын айтты.
SpaceX, космосту изилдөө үмүттөрүнүн борборунда орун алган жаңы ири ракетасы Starshipтин биринчи учуруу аракетинин кечеңдегенин жарыялады.
SpaceXтин башкы директору (CEO) Илон Маск өз билдирүүсүндө, узундугу 12 метрден ашкан ири ракетанын басым клапанынын тоңуп калганын байкашкан соң учуруу токтотулганын жана экинчи учуруу аракетинин бир нече күндүн ичинде жасала турганын айтты.
SpaceX түз эфиринде, дагы бир учуруу аракетинин 48 саатта мүмкүн эместиги белгиленди.
Марска экипаждарды жөнөтүүнү максат кылган компания, Айга жана андан тышкаркы жерлерге адамдарды жана жүктөрдү жөнөтүү үчүн негизги ракета катары Starship кемесин колдонууну пландаштырууда.
Starshipтин дат баспас болоттон жасалганы, "Super Heavy" ракетасын кайра колдонуу үчүн иштелип чыкканы жана SpaceXтин ракетаны Айга пландалган миссияда колдонуу үчүн NASA менен келишим түзгөнү маалым.
