Германияда жарылуудан кийин өрт чыкты
Берлин полициясы тарабынан жасалган билдирүүдө жарылуунун кандайча болгону азырынча белгисиз экени айтылды.
Германиянын борбор шаары Берлиндеги Грюневальд токоюнда полицияга таандык кампада жарылуу болгондон кийин өрт чыкты.
Берлин Өрткө каршы кызматы тарабынан жасалган билдирүүдө полициянын бомбаларды жок кылуу үчүн кармаган кампадагы жарылуудан кийин чыккан өрттүн Грюневальд токоюна жайылганы белгиленди.
Билдирүүдө болгон башка жарылуулар жана кургакчылыктын өрттү өчүрүүнү кыйындатканы айтылып, учурда кампа жана анын айланасы менен кошо 1,5 гектар токой аянтынын күйгөндүгү маалымдалды.
Окуя болгон жерге 100 өрт өчүрүүчтүн келгендиги билдирилген маалыматта турак жайлардын өрттөн жабыркабаганы ортого салынды.
Берлин полициясы тарабынан жасалган билдирүүдө жарылуунун кандайча болгону азырынча белгисиз экени айтылды.
Бир тараптан өрттүн себебинен поезд каттамдарынын токтотулганы жана аймакка жакын унаа жолунун жабылганы билдирилип, айланадагы үй жана имараттардын терезе-эшиктеринин жабык болушу талап кылынды.
