Байден Израилде расмий жолугушууларды өткөрүүдө

Америка Кошмо Штаттарынын (АКШ) президенти Жо Байден расмий сүйлөшүүлөрдү өткөрүү үчүн барган Израилде премьер-министр Яир Лапид менен жолугушту.

Израилдин премьер-министрлигинин басма сөз кеңсесинен берилген жазуу түрүндөгү маалыматка караганда премьер-министр Лапид Байден менен Батыш Кудстагы мейманканада эки тараптуу жолугушуу өткөрдү.

Байдендин визитинин графигине ылайык, экөө жекеме-жеке жолугушуусунан кийин маалымат жыйынын өткөрүшү күтүлүүдө.

Америка Кошмо Штаттарынын президенти Израилдеги жолугушууларынын алкагында Израилдин президенти Ицхак Герцог жана Лапид менен жолугушуп, Израилдин Президенттик Ардак медалын алат жана оппозиция лидери Беньямин Нетаньяху менен жолугушат.