"Орусия Украинадагы өкмөттү алмаштыргысы келет"

НАТОнун баш катчысы Йенс Столтенберг Орусиянын украин өкмөтүн алмаштырууну каалаганын билдирди.

НАТОнун баш катчысы Йенс Столтенберг саммиттен кийин билдирүү жасап: «Биз Орусияны Украинага чабуулун дароо токтотууга, бул өлкөдөн бардык аскерлерин чыгарып кетүүгө жана диалог жолуна кайтууга чакырабыз»,- деди.

Столтенберг өз билдирүүсүндө: «Биз НАТОнун кийлигишүү элементтерин кургакта жана абада жайгаштырып жатабыз. 30дан ашык жерде иштеген 100дөн ашык реактивдүү учагыбыз бар. Ар бир союздашты коргоо үчүн колдон келгендин баарын кылабыз»,- деди.

Баш катчы Столтенберг Украинага абадан коргонуу системалары менен катар дагы көп курал-жарак бере тургандарын жарыялады. 

"Европада күчтүү трансатлантикалык байланыш болмоюнча коопсуздук жок”,- деген Столтенберг: "Дүйнө Орусия менен Беларустун аракеттери үчүн жооп берет",-деп айтты. 

Йенс Столтенберг: «Алар Киев тарапка жылышты. Жарыяланган максат - украин өкмөтүн алмаштыруу. Украина толугу менен оккупацияланды, бул күтүлбөгөн жагдай, эмне болорун айта албайбыз",-деди.