Германия ооганстандыктарды депортациялоону токтотту

Германия депортациялоо чечими кабыл алынган ооганстандыктарды өз өлкөсүнө кайтарууну коопсуздукка байланыштуу бир канча убакытка токтотту.

Бул тууралуу Ички иштер министрлигинин басма сөз катчысы Стив Алтер Твиттерден билдирди.

«Ички иштер министри, Ооганстандын коопсуздук кырдаалындагы учурдагы окуяларга байланыштуу депортациялоону убактылуу токтотту»,-деди.

Германия көптөн бери башпаанек өтүнүчү четке кагылган ооган качкындарды депортациялап жаткан болчу.