Эйнштейндин кол жазмасы каты 1, 2 миллон долларга сатылды

АКШда окумуштуу Альберт Эйнштейндин кол жазмасы менен жазылган кат 1,2 миллион долларга сатылды.

Катты саткан RR аукцион үйүнүн билдирүүсүндө Эйнштейндин дүйнөдөгү эң белгилүү теңдемеси болгон E = mc² формуласын камтыган катынын күтүлгөндөн 3 эсе жогору баада сатылганы маалымдалды.

Эйнштейн 1946-жылы 26-октябрда поляк-америкалык физик Людвик Сильберштейнге жөнөткөн кат жеке коллекцига таандык жалгыз  үлгү экендиги белгиленди.

Биринчи жолу 1905-жылы илимий журналда жарыяланган жана физикада массалык-энергетикалык эквиваленттүүлүктү түшүндүргөн E = mc² теңдемеси заманбап физиканын негизги түшүнүгү катары кабыл алынган.

Дүйнөдөгү эң негизги окумуштуулардын бири болгон Альберт Эйнштейн 1921-жылы физика жана математикада жасаган иштери үчүн Нобель сыйлыгын алган.