Аракандык мусулмандарды ташыган кеме чөктү
Кеме оодарылып кетти
Мьянмадагы армия жана фанатик буддисттердин кол салууларынан качып Бангладешке өтүүгө аракет кылган аракандык мусулмандарды ташыган кеменин оодарылып кетишинен 10у бала 12 киши көз жумду.
Эл аралык Миграция уюмунун социалдык медиа баракчасындагы билдирүүсүнө караганда, Мьянма-Бангладеш чек арасындагы Наф дарыясынан өтүп Бангладешке жетүүгө аракет кылган аракандык мусулмандарды ташыган кеме, түн ичинде дарыянын Бангладеш тарабында оодарылып кетти.
Издөө иштеринде 10у бала 12 аракандык мусулмандын сөөгү табылды. Издеп-куткаруучу топтор 13 кишини куткарышты.
Дайынсыз жоголгон 25 кишинин табылышы үчүн издөө иштери уланып жатат.
Наф дарыясынын боюндагы Бангладешке качууга аракет кылган аракандык мусулмандарды ташыган кемелер аба ырайынын ыңгасыз шарттары же кемелерге ашыкча киши алынгандыктан тез-тез кырсыкка кабылууда.
Мьянма армиясы куралдуу согушкерлер менен күрөшүүнү себеп көрсөтүп Аракандагы жарандарга карай кол салууларында 25-августтан бери миңдеген мусулман каза тапты.
Аймакка кирип-чыгууларга уруксат берилбегендиктен каза болгондордун саны так аныктала албайт.
Акыркы кол салуулардан 200дөн ашуун айыл, армия жана фанатик буддисттер тарабынан жок кылынды.
Мьянмада 1970-жылдан бери систематикалуу кол салуулар менен этникалык тазалоого дуушар болгон 2 миллион аракандык мусулмандын 84 пайызы чөйрөдөгү өлкөлөргө баш калкалады.
