Қазақстан жаңа жетілдірген қазақ әліпбиіне көшеді

Латын графикасындағы жаңа жетілдірілген қазақ әліпбиі жарияланды.

Қазақ тілі әліпбиін латын графикасына көшіру жөніндегі ұлттық комиссия 2023-2031 жылдары аралығында кезең-кезеңмен көшетін латын графикасындағы жаңа жетілдірілген қазақ әліпбиін таныстырды. 

Ахмет Байтұрсынұлы атындағы Тіл білімі институты тарапынан жетілдірген жаңа әліпби қазақ тілінің жазу дәстүрінде орныққан «бір дыбыс – бір әріп» принципіне толық сәйкес келеді.
Жетілдірілген әліпбиде 9 дауысты дыбыс бар, жалпы әріп саны-31. Әліпби тек латын әліпбиі базалық жүйесі таңбаларынан құралған. Алайда әліпбиде орын алмаған x,w секілді әріптер шетел тіліндегі сөздерде ғана қолданылады. 

Қазақстан премьер-министрі Асқар Мамин «Жетілдірілген әліпби нұсқасы қазақ тілінің дамуына жаңа серпін беріп, оның заманауи үрдістерге сай жаңғыруына ықпал етеді" деді. 

1940 жылынан бастап, кирилл әліпбиін қолданған Қазақстан 2017 жылы кезең-кезеңмен латын графикасындағы жаңа жетілдірілген  қазақ әліпбиіне көшу жөнінде шешім жасаған еді.