Іздеуде жүрген кәсіпкер ұсталды

Қырғызстанда көтеріліс арқылы үкіметті төңкеруге дайындалды деген күдікпен іздеуде жүрген кәсіпкер Имамидин Ташов ұсталды.

Ұлттық қауіпсіздік комитетінің баспасөз орталығынан жасалған жазбаша мәлімдемеде операция барысында қырғыз-қазақ шекарасынан елге заңсыз кірген құрылыс компаниясының басшысы Имамидин Ташовтың ұсталғаны айтылды.

Ташовтың билікті басып алу үшін әлеуметтік желілер арқылы халықты арандатуға әрекеттенгені айтылды.

Қаңтар айында қауіпсіздік күштері төңкеріс дайындады деген күдікке ілінген топқа қарсы операция жүргізді. Төңкеріске дайындықтың ұйымдастыру шараларын Ташовтың қаржыландырғаны туралы ақпарат алынғаны жарияланған еді.

Ұлттық қауіпсіздік комитеті Ташовты қамауға алу туралы санкция берген болатын.