თურქეთი ისრაელის სასამართლოს გადაწყვეტილებას მკაცრად გმობს

თურქეთმა მკაცრად დაგმო ისრაელის ერთ-ერთი სასამართლოს გადაწყვეტილება, რომლის მიხედვითაც ებრაელებს უფლება აქვთ „მშვიდად“ ილოცონ მასჯიდი ალ-აქსაში.

საკითხთან დაკავშირებით განცხადებას ავრცელებს საგარეო საქმეთა სამინისტრო რომელშიც ნათქვამია: „მკაცრად ვგმობთ ისრაელის ერთ-ერთი სასამართლოს მიერ მიღებულ გადაწყვეტილებას, რომლის მიხედვითაც ებრაელებს უფლება აქვთ „მშვიდად“ ილოცონ მასჯიდი ალ-აქსაში. აღნიშნული გადაწყვეტილება კიდევ უფრო გაამხნევებს ფანატიკოს ებრაელებს, რომლებიც ცდილობენ მასჯიდ ალ-აქსას სტატუს-კვოს შეცვლას, რამაც შეიძლება ახალი დაძაბულობები გამოიწვიოს. ჩვენ მოვუწოდებთ საერთაშორისო თანამეგობრობას მკაცრად დაუპირისპირდეს ამ მცდარ, უკანონო და სახიფათო გადაწყვეტილებას, რომელიც ხორციელდება ალ-აქსას მეჩეთის წინააღმდეგ.“