თავდასხმის მცდელობა ერევანში

სომხეთის დედაქალაქ ერევანში 3 ადამიანმა ხელყუმბარით პოლიციის შტაბის შენობაზე თავდასხმა სცადა.

სომხეთის ოფიციალური საინფორმაციო სააგენტო Armenpress-ის ცნობით, 3 უცნობი თავდამსხმელი დედაქალაქ ერევანში, ნორ-ნორკის რაიონში პოლიციის სამმართველოს შენობაში ხელყუმბარით მივიდა.

თავდამსხმელები უსაფრთხოების ძალებს შეხვდნენ და გარკვეული მოთხოვნები წამოაყენეს, რა დროსაც ერთი ხელყუმბარა აფეთქდა.

ხელყუმბარის აფეთქების შედეგად ორი თავდამსხმელი დაშავდა, რომლებიც მოგვიანებით საავადმყოფოში გადაიყვანეს.

მესამე თავდამსხმელი კი სამართალდამცველებმა გაანეიტრალეს.