რუსეთი ბირთვული იარაღის გამოყენებით იმუქრება

კრემლის პრესსპიკერმა პესკოვმა განაცხადა, რომ პრეზიდენტმა პუტინმა შესაძლოა გამოიყენოს ბირთვული იარაღი, თუკი ქვეყნის არსებობას საფრთხე დაემუქრება.

პესკოვმა რუსეთ-უკრაინის ომის შესახებ შეფასებები CNN-ის ეთერში გააკეთა.

კითხვაზე, თუ რა პირობებში გამოიყენებს ვლადიმერ პუტინი რუსეთის ბირთვულ შესაძლებლობებს, პესკოვმა უპასუხა: „თუ ჩვენი ქვეყნის არსებობას საფრთხე დაემუქრება, ეს შეიძლება მოხდეს.“

კითხვაზე, მიაღწია თუ არა პუტინმა თავის მიზნებს უკრაინაში, პესკოვმა თქვა: "ჯერ არა. ჯერ არ მიუღწევია თავისი მიზნებისთვის."

უკრაინის ომს "სპეციალური სამხედრო ოპერაცია" უწოდა პრესსპიკერმა პესკოვმა და თქვა: "ჩვენი ოპერაცია მიმდინარეობს წინასწარ განსაზღვრული გეგმებისა და ამოცანების ფარგლებში".