ერაყმა ბელორუსიდან 3556 ადამიანი დააბრუნა

ერაყმა განაცხადა, რომ ბელორუსიდან ქვეყანაში 3556 ადამიანი დააბრუნეს.

ერაყის საგარეო საქმეთა სამინისტროს პრესსპიკერმა აჰმედ საჰაფმა თქვა: „ამ დროისთვის ბელორუსიდან ერაყში 3556 ადამიანი დავაბრუნეთ. ასევე, დროებითი პასპორტები მივეცით 383 ადამიანს, რომლებმაც პასპორტი დაკარგეს“.

3 დღის წინ საჰაფმა თავის განცხადებაში აღნიშნა, რომ ბელორუსიდან ქვეყანაში 417 ერაყელი დააბრუნეს.

ერაყში არსებული არახელსაყრელი საცხოვრებელი პირობების გამო, ბელორუსის საზღვარზე ზაფხულიდან ევროპაში გადასვლას ბევრი ადამიანი ელოდება და უკეთეს ცხოვრებაზე ოცნებობს.