კონგრესმა საპრეზიდენტო არჩევნებში ბაიდენის გამარჯვება ოფიციალურად დაადასტურა

ჯო ბაიდენი 20 იანვრიდან ოთხი წლის განმავლობაში ამერიკის შეერთებული შტატების პრეზიდენტი გახდა. 

კონგრესმა, რომელიც აშშ-ს კონგრესის შენობის დარბევის შემდეგ ისევ შეიკრიბა და განაგრძო დელეგატთა ხმების დათვლის პროცესი, საპრეზიდენტო არჩევნებში ბაიდენის გამარჯვება ოფიციალურად დაადასტურა.

ვერმონტის შტატის შედეგების დაფიქსირებით ჯო ბაიდენმა გადალახა 270 დელეგატის ბარიერი და ოფიციალურად გახდა პრეზიდენტი.

კენჭისყრის შემდეგ აშშ-ს ვიცეპრეზიდენტმა მაიკ პენსმა განაცხადა: ”ჯო ბაიდენი ამერიკის პრეზიდენტის პოსტს 20 იანვარს დაიკავებს.”

დონალდ ტრამპმა კი კონგრესში კენჭისყრის შემდეგ გაკეთებულ განცხადებაში თქვა: ”მიუხედავად იმისა, რომ არჩევნების შედეგს მთლიანად ვეწინააღმდეგები, მე 20 იანვარს უპრობლემოდ გადავაბარებ ხელისუფლებას.“