Fələstin BMT TŞ-nın qəbul etdiyi atəşkəs qərarının dərhal yerinə yetirilməsinə çağırıb
Fələstin Birləşmiş Millətlər Təşkilatının Təhlükəsizlik Şurasının (BMT TŞ) qəbul etdiyi atəşkəs qərarının dərhal yerinə yetirilməsinə çağırıb.
Fələstin Birləşmiş Millətlər Təşkilatının Təhlükəsizlik Şurasının (BMT TŞ) qəbul etdiyi atəşkəs qərarının dərhal yerinə yetirilməsinə çağırıb.
Fələstinin rəsmi xəbər agentliyi WAFA-nın məlumatına görə, Fələstin Administrasiyası BMT Təhlükəsizlik Şurasında verdiyi atəşkəs qərarından sonra yazılı açıqlama verib.
Açıqlamada qərardan məmnuniyyət duyulduğu bildirilib, günahsız insanların həyatını qorumaq üçün qərarın dərhal həyata keçirilməsinə çağırış edilib.
"BMT TŞ beynəlxalq konsensusla qəbul edilmiş bu mühüm qərarın icrasını təmin etməlidir", - bəyanatda deyilib.
“Təcavüzün tamamilə dayandırılması, İsrail işğalçı qüvvələrinin Qəzza zolağından tamamilə çıxarılması və İsrailin işğalçı hakimiyyət orqanları ilə və terrorçu məskunlaşanlar tərəfindən Şərqi Qüds daxil olmaqla İordan çayının qərb sahilində törədilən cinayətlərə son qoyulması istiqamətində atılmış düzgün addım” hesab edilən qərarın daimi atəşkəsə və bunun davamlı olması istiqamətində addım atılmasının vacibliyi vurğulanıb.
Bəyanatda həmçinin qeyd olunub ki, sözügedən atəşkəs qərarı işğala son qoyulması və paytaxtı Şərqi Qüds olan Fələstin dövlətini təcəssüm etdirmək üçün beynəlxalq hüquq və legitimliyə əsaslanan siyasi yola başlamaq üçün atılan addım kimi qiymətləndirilib.
Bəyanatda Fələstin xalqının məruz qaldığı aclığı dayandırmaq üçün təcili humanitar yardımın bütün sərhəd-keçid məntəqələri vasitəsilə bütün Qəzza zolağına çatdırılması çağırışı edilib və qərarı təqdim edən və dəstəkləyən ölkələrin tutduğu mövqelərin dəyəri vurğulanıb.
Fələstin Azadlıq Təşkilatı da bu qərardan məmnun olduğunu bildirib və müharibəni tamamilə dayandırmağa və İsraili dərhal Qəzza zolağından çıxmağa çağırıb.
