Pakistanda 5,2 bal gücündə zəlzələ olub

Pakistanın Pəncab əyalətinin Rajanpur şəhəri yaxınlığında 5,2 bal gücündə zəlzələ olub.

Milli Seysmik Nəzarət Mərkəzi episentri Rajanpurdan 37 kilometr şimal-şərqdə olan zəlzələnin ocağının 39 km dərinlikdə yerləşdiyini açıqlayıb.

Yerli mediada yer alan xəbərlərdə 5,2 bal gücündəki zəlzələnin Dera Gazi Xan, Dajal və Zahir Pir-də də hiss edildiyi bildirilib.

İndiyə qədər dağıntı və tələfat barədə məlumat verilməyib.