Turkiya AQSHdagi elchisi va BMTdagi doimiy vakilini almashtirdi

Turkiya 9 davlatdagi, jumladan AQSHdagi elchilarini, shuningdek mamlakatning BMTdagi doimiy vakilini almashtirdi.

Prezident Rajap Tayyip Erdo'g‘an tomonidan imzolangan tegishli qaror juma kuni rasmiy gazetada e’lon qilindi.

Endi Turkiyaning Vashingtondagi diplomatik missiyasiga 2023-yil fevraldan beri BMTda doimiy vakillik qilgan sobiq tashqi ishlar vaziri o‘rinbosari Sedat O‘nal boshchilik qiladi.

Ayni vaqtda Nyu-Yorkda Sedat O‘nalning bo‘shagan o'rnini tashqi ishlar vaziri o‘rinbosari Ahmet Yildiz egallaydi.

Shuningdek, mamlakatning Bolgariya, Gvineya, Chili, Vetnam, Gvatemala, Shri-Lanka, Kosta-Rika va Ekvadordagi diplomatik vakolatxonalari rahbarlari ham o‘zgardi.