Konya-2021: O'zbekistonlik yengil atletikachi oltin medalni qo‘lga kiritdi

Turkiyaning Konya shahrida bo‘lib o‘tayotgan V Islom birdamlik o‘yinlarida o'zbekistonlik Safina Sa’dullayeva hamda Svetlana Ralzivilsh shohsupaga ko‘tarildi.

Yengil atletikaning balandlikka sakrash bahslarida O'zbekiston sharafini himoya qilgan ikki nafar atlet ishonchni oqladi. Safina Sa’dullayeva mazkur yo‘nalishda 1.97 metr natija bilan oltin medalni qo‘lga kiritdi.

Shuningdek, bir qator yirik musobaqalar g‘olibi Svetlana Radzivil 1.87 metr balandlikni zabt etib, musobaqaning kumush medali bilan taqdirlandi.