мерсидис ирқчилиққа қарши қара рәңлик аптомобил билән мусабиқигә чүшидиған болди
«формула 1» командисиниң бири болған мерсидис бу мусабиқә пәслидә ирқчилиққа қарши туруш паалийитиниң бир қисми сүпитидә қара рәңлик аптомобил билән мусабиқиға чүшидиған болди.
түркийә авази радийоси хәвири: мерсидис командисиниң байанатида «қара тәнликләрниң һайати қиммәтликтур» паалийити әскәртилип, командиниң һәр хил ирқчилиқ вә кәмситишләркә қарши туруп кәлгәнлики билдүрүлди.
бу даиридә, командиниң 2020 – йиллиқ мусабиқә пәслидә бәзи өзгиришләрни қилғанлиқи, әнәниви күмүш рәңниң орниға қара рәңлик аптомобил билән мусабиқигә чүшидиғанлиқи вә аптомобилға «ирқчилиқни йоқутуң» дегән сөзниң йезилидиғанлиқи уқтурулди.
мерсидис шопурлиридин левис хамилтон америкада әсли африқалиқ җорҗ флойидниң сақчи тәрипидин өлтүрүлишидин кейин, «формула 1» дики ирқчилиққа сүкүт қилғанларға наразилиқ билдүргән иди.
йеңи типтики таҗисиман вирус ковид -19 йуқуми сәвәбидин кечиктүрүлгән «формула 1» дунйа ләвһә талишиш мусабиқисиниң биринчи мәйдани 5 - ийулда австерийәдә өткүзүлиду.
