türkiye toqumichiliq mehsulatliri sahesi ékisportta nahayiti zor muweppeqiyetlerni qolgha keltürdi
türkiye toqumichiliq mehsulatliri sanaiti sahesi bu yil birinchi pesilde 2 milyard 414 milyon 399 ming dollarliq toqumichiliq mehsulatlirini éksport qildi.
türkiye awazi radiyosi xewiri: sherqiy jenubi anadolu éksportchilar jemiyitining sanliq melumatlirigha qarighanda, toqumichiliq mehsulatlirini ishlepchiqarghuchilar bu yilning birinchi peslide 183 dölet we erkin soda rayonigha toqumichiliq mehsulatlirini éksport qilghan.
bu mezgilde yawropa ittipaqi ellirige 938 milyon 524 ming dollarliq toqumichiliq mehsulatliri ékisport qilinghan. shuning bilen, yawropa ittipaqi elliri bu jehette eng köp nisbetni igiligen.
italiyege 204 milyon 503 ming dollarliq, ispaniyege 135 milyon 760 ming dollarliq, amérika qoshma ishtatlirigha 121 milyon 405 ming dollarliq toqumichiliq mehsulatliri ékisport qilinghan.
shuning bilen, bu jehette italiye birinchi, ispaniye ikkinchi, amérika qoshma ishtatliri üchinchi orunda turghan.
tawar türliri ichide eng köp rext ékisport qilinghan, buningdin 1 milyard 505 milyon 896 ming dollar kirim qilinghan. bu mezgilde, 606 milyon 871 ming dollarliq yip, 301 milyon 627 ming dollarliq tala ékisport qilinghan.
مۇناسىۋەتلىك خەۋەرلەر
gollandiyening sayahet paraxoti alanyagha keldi
gollandiyening «ostérdam» namliq sayahet paraxoti antalya wilayitining alanya nahiyesige keldi.