türkiye meblegh sélish fondi qurulidu
türk döletliri ara iqtisad – soda munasiwetlirini tereqqiy qildurush meqsitide türkiye meblegh sélish fondi qurulidu.
türkiye awazi radiyosi xewiri: türkiye xezine we maliye ministiri mehmet shimshek istanbulda chaqirilghan türkiye meblegh sélish fondi yighinida qilghan sözide, türkiye meblegh sélish fondining 500 milyon dollarliq meblegh bilen qurulidighanliqini tekitlep mundaq dédi:
«türkiye meblegh sélish fondini qurushtiki eng chong nishanimiz, türk döletliri otturisidiki iqtisadiy we soda munasiwetlirining tereqqiyatini kapaletke ige qilishtur.»
igilinishiche, türkiye meblegh sélish fondi döletlik we xususiy sélinmilarning süritini tézlitidiken, bu arqiliq nurghun sahelerdiki layiheler téxnika jehettin qollashqa érishidiken.
türkiye meblegh sélish fondi ottura, kichik karxanilarni tereqqiy qildurushta achquchluq rol oynaydiken, ul eslihe, qayta hasil bolidighan énérgiye, yéza igiliki, sayahet qatarliq sélinmilarni köpeytip, sijil iqtisadiy tereqqiyatqa töhpe qoshidiken.
مۇناسىۋەتلىك خەۋەرلەر
türkiye xitayning yoluchilar aptomobilliridin qoshumche baj élishni qarar qildi
türkiye xitaydin import qilinghan yoluchilar aptomobillirigha qoshumche baj qoyushni qarar qildi.