dunya bankisi türkiye, yawropa we ottura asiya doklatini élan qildi

türkiye awazi radiyosi xewiri: dunya bankisi yawropa we ottura asiya iqtisadigha munasiwetlik doklatini élan qildi؛ doklatta, dunya iqtisadining ajizlishishqa, pul siyasitining chingishqa, xitay iqtisadining astilashqa we tawar bahasining töwenleshke yüzlinishi sewebidin bu yil yawropa we ottura asiyaning yéngidin gülliniwatqan we tereqqiy qiliwatqan iqtisadiy gewdilirining astilishining mölcherliniwatqanliqi otturigha qoyuldi.

rusiye bilen bolghan urushning zerbisige uchrighan ukraina iqtisadining éshishqa yüzlinishi we ottura asiyadiki küchlük eslige kélish sewebidin, yawropa we ottura asiya iqtisadining bultur %3.3 ashqanliqi otturigha qoyulghan doklatta, yawropa we ottura asiya iqtisadining  éshish süritining bu yil %2.8 ke töwenlishining, kéler yili bolsa, rayon iqtisadining %2.7 ashidighanliqining mölcherliniwatqanliqi qeyt qilindi.

doklatta körsitilishiche, türkiye iqtisadining bu yil %3, kéler yili %3.6 éshishi texmin qilinmaqta iken.

dunya bankisining doklatida yene, türkiyede yolgha qoyulghan pul siyasiti sewebidin pul paxalliqining mayda yuqiri pellige chiqqandin kéyin, tedrijiy töwenleydighanliqigha isharet qilindi.