bu yilning üchinchi charikide türkiyening iqtisadiy éshishi eng téz boldi

türkiye awazi radiyosi xewiri: iqtisadiy hemkarliq we tereqqiyat teshkilati we türkiye istatistika idarisi élan qilghan sanliq melumatlargha asaslanghanda, türkiyening %5.93 lik iqtisadiy éshish nisbitini bashqa döletler bilen sélishturghanda, yawropa ittipaqi, iqtisadiy hemkarliq we tereqqiyat teshkilatigha eza döletler we G20 döletliri arisida birinchi orunda turghan.

iqtisadiy hemkarliq we tereqqiyat teshkilatigha eza döletlerning iqtisadiy éshishi otturiche hésab bilen %1.7 bolghan. mezkur teshkilatqa eza döletler ichide norwégiyening iqtisadiy ishishi  töwenligen bolup, %1.5 bolghan.

türkiye mushu yilning üchinchi charikide iqtisadiy éshish melumatliri élan qilinghan G20 döletliri arisidimu birinchi rettin orun aldi. hindonéziye %4.9 lik iqtisadiy éshish bilen ikkinchi, xitay %3.2 lik iqtisadiy éshish bilen üchinchi rettin orun aldi.