amérika merkizi bankisi dunya bazarlirini agahlandurdi
amérika merkizi bankisi (fédératsiye zapas pul komitéti) yershariwi géo-siyasiy jiddiychiliklerning künséri éghirlishishining dunya bazirigha keng dairide selbiy tesirlerni élip kélidighanliqini bildürdi.
türkiye awazi radiyosi xewiri: amérika merkizi bankisi, amérika pul- muamile sistémisining nöwettiki ehwali toghrisidiki 10- ayliq «pul-muamile muqimliqi doklati»ni élan qildi.
doklatta, yer shariwi géo- siyasiy jiddiychilikning künséri küchiyishining dunya bazirigha keng kölemde selbiy tesir körsitishining mumkinliki otturigha qoyuldi.
israiliyege qilinghan hujumning rusiyening ukrainagha qarshi élip bériwatqan urushi bilen bille géo- siyasiy jiddiychilikni kücheytiwetkenlikige isharet qilinghan bayanatta, bu jiddiychiliklerning yer shari iqtisadi paaliyitini zor xeterge ittiridighanliqi, jümlidin rayonluq yémeklik, énérgiye we bashqa tawar sodilirida dawamliq üzülüp qélish xewpi peyda qilish mumkinchiliki barliqi qeyt qilindi.
doklatta: «bu ziddiyetning keskinlishishi yaki bashqa géo- siyasiy jiddiychilikning künséri éghirlishishi iqtisadiy paaliyetni azaytip, pul paxalliqini ashuruwétishi, bolupmu teminlesh zenjirining uzungha sozulushi we ishlepchiqirishning qalaymiqanlishishini keltürüp chiqirishi mumkin» dégen ibarilerge orun bérildi.
مۇناسىۋەتلىك خەۋەرلەر
gollandiyening sayahet paraxoti alanyagha keldi
gollandiyening «ostérdam» namliq sayahet paraxoti antalya wilayitining alanya nahiyesige keldi.
