türkmenistan iran arqiliq iraqqa tebiiy gaz éksport qilishni pilanlimaqta

türkiye awazi radiyosi xewiri: türkmenistan «‹altun esir› téléwiziye qanili» ning xewer qilishiche, türkmenistan döletlik türkmengazi guruhi shirkitining diréktori babayéw w uning hemrahliqidiki wekiller ömiki iraqning paytexti baghdatta iraq tok ishliri ministiri ziyad eli fazil bilen körüshken.

uchrishishta, ikki dölet otturisidiki énérgiye hemkarliqi mesilisi muzakire qilinghan. muzakire netijiside, türkmenistan döletlik türkmengazi shirkiti bilen iraq tok ministirliqi otturisida tebiiy gaz hemkarliq kélishim layihesi imzalanghan.

igilinishiche, kélishim dairiside, ikki tereplik pul almashturush kélishimige asasen, türkmenistanning iran arqiliq iraqqa her yili texminen 10 milyard kub métir tebiiy gaz éksport qilishi, türkmenistanning tebiiy gazini iraqqa yetküzüsh wezipisini iranning döletlik tebiiy gaz shirkitining öz üstige élishi pilanlanmaqta iken.