amérikada bashlanghan banka kirizisi kéngiyishke bashlidi

türkiye awazi radiyosi xewiri: shiwiyétsariyening «krédit siwis» (Credit Suisse) bankasining eng chong shériki bolghan seudi erebistanning dölet bankasi, banka üchün meblegh topliyalmaydighanliqini jakarlishi bilen, krédit siwisning pay chéki bahasi %25 chüshüp ketti. yawropa aksiye bazarlirimu buning tesirige uchridi. yawropaning aldinqi qatarda turidighan bankalirining pay chéki bahalirining chüshüsh süriti barghanséri tézleshti. kommérz bankasi (Commerzbank) 9%, datché bankasi (Deutsche) 7.8%, barflyés (Barclays) bankasi %6.6 chüshüp ketti.

krédit siwis toghrisidiki endishelerning küchiyishi sewebidin, shiwiyétsariye merkiziy bankasi we shiwiyétsariye pul-muamile bazarlirini nazaret qilip bashqurush komitéti heriketke ötti.

krédit siwis shiwiyétsariye merkiziy bankasidin texminen 54 milyard dollar qerz alidighanliqini élan qildi. bu qararning bankaning heriketchanliqini kücheytish üchün élinghanliqi bildürüldi.

amérikada ikki banka weyran bolghandin kéyin, merkiziy kaliforniyege jaylashqan «birinchi jumhuriyet» (First Republic) bankasining inawet derijisi chüshti.

xelqaraliq bahalash orgini «S&P» bankaning uzun muddetlik inawet derijisini «A-» din «BB +» gha chüshürdi , yene bir xelqaraliq bahalash orgini «Fitch» uni «A-» din «BB» gha chüshürdi.

inawet derijisi chüshürülgendin kéyin, birinchi jumhuriyet bankasining pay chékining qimmiti %20 din artuq töwenlidi.