qazaqistanning yawropagha qiliwatqan kömür éksporti rékort yaratti
qazaqistanning yawropa döletlirige qiliwatqan kömür éksporti mushu yilning (2022) deslepki yette éyida 6.4 milyon tonnigha yétip, rékort sewiyege chiqti.
1875834
türkiye awazi radiyosi xewiri: informburo (İnformburo) agéntliqi qazaqistanning yawropa döletlirige qilghan kömüé éksportida éshish körülgenlikini xewer qildi.
xewerde bildürülishiche, qazaqistan 2022-yilning yanwar éyidin iyul éyighiche bolghan mezgilide yawropagha 371.8 milyon dollar qimmitide 6.4 milyon tonna kömür éksport qilghan. bu qazaqistan üchün rékort sewiye hésablinidiken.
ötken yili (2021) qazaqistandin yawropagha éksport qilinghan kömür 5.2 tonna bolghan bolup, ilgiriki yillarda bu san 4 milyon tonna etrapida bolghan.
bu yil yawropada qazaqistandin kömür import qilghan döletlerning ichide birinchi rette 4.5 milyon tonna bilen shiwéytsariye, 723 ming tonna bilen polsha ikkinchi rette, 213 ming tonna bilen bélgiye üchinchi rettin orun alghan. bulghariye, engliye, lichténshtéyn we latwiye qatarliq döletlermu qazaqistandin kömür import qilghan.
مۇناسىۋەتلىك خەۋەرلەر
gollandiyening sayahet paraxoti alanyagha keldi
gollandiyening «ostérdam» namliq sayahet paraxoti antalya wilayitining alanya nahiyesige keldi.